Broon In Troon? Eh, naw.
So, it isnae very likely
We’ll git ony tan the day –
But we’ll gie it a go ne’ertheless:
Gie the sun the time a day.
Ahm aw set up, fair chuffed am ur
Ahve goat everything Ah need:
Ahve my Irn Bru, some minstrels
And some prawns between some bried.
Wur oan the grass doon by the lavvys
Mindful o wur feet.
Ahve scanned fur dog poo:
I widnae want tae staun in it an greet.
Mair important still for sunbathing
In Scotland in mid June:
Ahve goat ma Rohan jacket,
Ma ASDA deckchair and I’ll soon
Have up ma perr a ASDA tents
Ah goat fur a fiver each!
Whit better way tae spend the day
Than wi the church doon at Troon beach!